Tashmë dihet që Luana Vjollca nuk do të jetë më prezantuesja e parashikimit të motit në Top Channel.
Vetë bukuroshja e ka dhënë lajmin ditë më parë në emisionin e mëngjesit “Wake Up” për këtë gjë, pa lenë të kuptohet qartë se cilat do të jenë planet e saj në të ardhmen.
E përkushtuar sëfundmi edhe në muzikë, Luana duket se do të bej pak pushim, për t’u rikthyer ndoshta në një ekran tjetër.
Sipas thashethemeve që po qarkullojnë ditëve të fundit, në bisedime me moderatoren e mirënjohur është një tjetër televizion. Mësohet se Luana ka marrë një ftesë për të qenë pjesë e edicionit të ri “Dancing with the Stars” sezonin e ardhshëm, raporton Infomedia.
Nuk dihet ende nëse ftesa është vetëm për këtë spektakël, apo për ta pasur tashmë bionden simpatike në Vizion Plus. Deri më tani vetë prezantuesja nuk ka dhënë asnjë përgjigje rreth fatit të saj në Top Channel, apo në ndonjë televizion tjetër.