Departamenti i Përgjithshëm Penal i Gjykatës Themelore të Prizrenit ka vendosur një muaj paraburgim ndaj të pandehurit I.Simjanoviq nga fshati Skullonovo Komuna e Graqanicës
Ai dyshohet se ka kryer veprën penale ‘vjedhje e rëndë’.
“I pandehuri do të mbahet në paraburgim në kohëzgjatje prej një muaji, i cili do të llogaritet prej kohës së ndalimit, data 15.08.2015 nga ora 10:00 dhe do të zgjasë deri me datën 14.09.2015”, thotë zëdhënësja e gjykatës, Afërdita Kicaj.
“I pandehuri dyshohet për shkelje të Kodit Penal, se në ditën kritike pasi që ka qenë në hotelin “Theranda” në Prizren me qëllim të përfitimit të kundërligjshëm, duke vepruar në mënyrë veçanërisht të rëndë dhe të rrezikshëm, ka marrë – vjedh veturën – marka “Citroen” me targa të regjistrimit 04 -337-ES, pronë e të dëmtuarit Sh.M, duke e vërejtur se e njëjta ishte e hapur dhe kishte çelësat, ka ndezur të njëjtën dhe ka ikur në drejtim të Malit të Zi”, thotë Kicaj. /PrizrenPress.com/