Në kohën kur pritet të merret vendimi përfundimtar për kryetarin e komunës së Prizrenit, Ramadan Muja, deputeti i Kuvendit të Kosovës Zafir Berisha shpreson se komunitetet nuk do ta përsëritin gabimin sikur në zgjedhjet e kaluara, duke i dhënë votën njeriut të korruptuar.
“Përderisa po pritet brenda pak ditësh t’i konfirmohet dënimi nga Gjykata e Apelit grupit kriminal i cili po qeverisë me Prizrenin.
Po shpresojmë se liderët politik të komuniteteve Turk, Boshnjak, Rom dhe Ashkali të mos përsërisin gabimin që kanë bërë herën e kaluar duke e manipuluar komunitetin e tyre për të votuar njeriun i cili ishte duke u gjykuar për krim të organizuar dhe keqpërdorim të detyrës zyrtare dhe duke ia dhënë rreth 11 mijë vota të komuniteteve jo shumicë, veprim për të cilën po shpresoj që edhe ata vet janë bindur që kanë gabuar.
Njeriu edhe mund të gaboj, por kur e përsëritë gabimin atëherë nuk është diçka në rregull me të!Z.B”, ka shkruar në Facebook deptueti Berisha. /PrizrenPress.com/