Avokati i Popullit në Kosovë, Hilmi Jashari, në një intervistë për gazetën Zëri, ka thënë se gjykatat kosovarë janë duke i shkelur më së shumti të drejtat e qytetarëve.
Ai po ashtu ka thënë se në Kosovë është krijuar një praktikë e keqe, e cila nuk e bën kompensimin e personave të cilëve shteti ua ka shkelur të drejtën që brenda një afati të arsyeshëm kohor të përfundojë me procedurën e gjykimit.
“Nuk kemi asnjë rast deri më tani që qytetarët të jenë kompensuar, e drejtë kjo e garantuar edhe me Kushtetutë”, ka thënë ai.