Zjarr i madh ka kapluar bjeshkën që gjendet në mes të fshatrave Gollozhup dhe Zhur të Hasit
Zëdhënësi i Policisë së Kosovës për rajonin e Prizrenit, Hazir Berisha, ka konfirmuar për lajmi.net se zjarri ka përfshirë një hapësirë të madhe, por zjarrfikëset janë vënë në terren.
“Po është e vërtetë që një zjarr i madh ka përfshirë bjeshkën që gjendet në mes të fshatrave Gallozhup dhe Zhur”, ka thënë Berisha.
Ai më tutje ka theksuar edhe një problem që po hasin zjarrfikëset për lokalizimin e këtij zjarri për shkak të terrenit të papërshtatshëm.
“Terreni është i papërshtatshëm, gjë që e pamundëson qasjen me automjete të madha të, kështu që vetëm zjarrfikës këmbësorë janë duke u përpjekur të shuajnë zjarrin”, ka thënë Berisha.