Me rastin e 25-vjetorit të shpalljes së Deklaratës Kushtetuese të Republikës së Kosovës më 7 shtator 1990 në Kaçanik, sot do të mbahet manifestim në nderim të kësaj dite kur delegatët e atëhershëm të Kuvendit të Kosovës shpallën Kosovën Republikë.
“Ky manifestim do të mbahet nën përkujdesjen e kryetarit të Kuvendit të Kosovës, Kadri Veseli dhe në bashkëpunim me Komunën e Kaçanikut. Shënimi i kësaj dite, do të behet në vendin, ku u shpall Kushtetuta e Kaçanikut, në Pallatin e Kulturës “Xheladin Kurtaj” në Kaçanik”, ka njoftuar përmes një njoftimi Komuna e Kaçanikut. /Epoka e re/