Drejtoria e Inspektoratit në Malishevë, ka bërë të ditur, se pas masave të marra, ndaj një punëtorie, që i kishte hedhur mbeturina inerte në një deponi ilegale në afërsi të fshatit Bubavec, ajo punëtori, i ka larguar mbeturinat e hedhura në atë deponi, e që bëhet fjalë për rreth 40 kub mbeturina inerte.
Drejtori i drejtorisë së inspektoratit, Sejdi Paçarizi, pasi identifikimit dhe bisedës me përgjegjësit e asaj punëtorie, janë larguar ato mbeturina nga ana e tyre dhe nën mbikëqyrje të inspektoratit.
Sipas drejtorisë së inspektoratit, në atë deponi ilegale ka edhe mbeturin tjera, të cilat, në bashkëpunim me drejtorinë e shërbimeve publike dhe kompaninë e “Ekoregjionit” njësia në Malishevë, pritet që brenda në një ardhme të afërt, të largohen edhe mbeturinat tjera, në atë vend. Me këtë rast, luten banorët e Bubavecit, por edhe t fshatrave përreth, që të mos i hedhin mbeturinat në vende të tilla./PrizrenPress.com/