Për herë të parë që pas sulmeve të Parisit, gjatë një interviste për “Vice”, e cila do të transmetohet javën tjetër, pjesëtarët e grupit amerikan Eagles of Death Metal, që po performonin në Sallën e Koncerteve “Bataclan”, kanë përshkruar tmerrin e përjetuar.
Vokalisti Jesse Hughes tha se disa adhurues që u fshehën në dhomën e zhveshjes se grupit, u gjetën dhe u vranë nga agresorët, përveç një fëmije që u fsheh pas xhaketës së vokalistit.
“Disa njerëz u fshehën në dhomat e zhveshjes dhe vrasësit arritën t’i zbulojnë dhe t’i vrasin të gjithë, përveç një fëmijë i cili u fsheh pas xhaketës sime të lëkures”, u shpreh Hughes.
Lideri i grupit tha se një prej arsyejeve që u vranë kaq shumë njerëz ishte sepse shumë prej pjesëmarrësve kishin hezituar të largoheshin pasi deshën të shpëtonin miqtë e tyre.
“Një aryse se pse kishte kaq shumë të vrarë ishte se shumë prej tyre nuk donin të linin miqtë e tyre. Shumë vunë veten e tyre përpara të tjerëve”.