10.8 C
Prizren
E premte, 29 Mars, 2024

Filarmonia e Kosovës shënon 15-vjetorin e themelimit

Me një koncert solemn Filarmonia e Kosovës do ta shënojë 15-vjetorin e themelimit, më 24 nëntor në Sallën e Kuqe të Pallatit të Rinisë, me fillim nga ora 20:00.

Drejtori i Filarmonisë së Kosovës, Baki Jashari, në një konferencë për media tregoi se në këtë koncert Kori i Filarmonisë do të prezantojë katër vepra të kompozitorëve shqiptarë, nën dirigjimin e Rafet Rudit, kurse në pjesën e dytë, atë simfonike, do të prezantohen tri vepra, përfshirë edhe dy të Vinçenc Gjinit dhe Krist Lekajt, kompozitorë këta që shënojnë 80-vjetorin e lindjes. Kjo pjesë dirigjohet nga dirigjenti shqiptar që jeton e vepron jashtë vendit, Arbër Dhomi.

“Ky është një jubile numerikisht jo shumë i madh por shumë i rëndësishëm për ne që konsiderohemi institucioni më i lartë muzikor në vend”, tha Jashari.

Në këtë konferencë nuk u la pa u përmendur as mungesa e një salle universale për koncerte, opera e balet dhe duke folur në këtë drejtim, drejtori i Filarmonisë së Kosovës tha se ata tanimë janë lodhur nga kjo zvarritje e Ministrisë së Kulturës, Rinisë dhe Sportit dhe Komunës së Prishtinës dhe se po vazhdojnë të punojnë në kushte te mjerueshme, me shpresë që të paktën 20-vjetorin ta presin në një sallë të dinjitetshme.

Koncerti për 15-vjetorin e themelimit po organizohet në bashkëpunim me Shoqatën e Kompozitorëve të Kosovës. /KosovaLive

Filarmonia e Kosoves-Koncert Solemn

Më Shumë

Masakra në Krushë të Madhe nga forcat serbe, i mbijetuari Elshani rrëfen se çfarë ndodhi para 25 vitesh

I mbijetuari i masakrës në Krushë të Madhe, Selami Elshani ka rrëfyer në detaje atë se çfarë ndodhi para 25 vitesh në masakrën që...

Hajnat futen në tri shtëpi në Rogovë, vjedhin mijëra euro dhe stoli ari

Një fenomen mjaft shqetësues për qytetarët e Kosovës janë bërë vjedhjet e shpeshta nëpër shtëpi, që po shkaktojnë ankth e pasiguri, sidomos kur mbesin...

Lajmet e Fundit