Institucionet ndërkombëtare vazhdimisht kanë kritikuar institucione vendore për nivel të lartë të korrupsionit dhe mos raportim të tij.
Kurse për EULEX janë duke u zhvilluar hetime nga Task-Forca, e cila funksionon në kuadër të Zyrës së Kryeprokurorit të Shtetit, e themeluar vitin e kaluar për korrupsion dhe keqpërdorime por deri më tani nuk ka një raport se deri ku kanë mbërritur këto hetimi.
Ekrem Lutfiu, Zëdhënës në Këshillin Prokurorial të Kosovës ka thënë se lidhur me këtë çështje nuk mund të japim asnjë të dhënë pasi që jemi në fazën e hetimeve. Ai po ashtu nuk ka dhënë ndonjë afat se kur do të mund që të shihen rezultatet e para të punës së kësaj Task-Force.
As në EULEX nuk komentojnë se deri kur kanë arritur hetimet për këtë çështje. Dragana Nikoliç Solomon zëvendës shefe e zyrës për Shtyp dhe Informim Publik në EULEX, ka thënë për Tribuna Cahnnel, përmes postës elektronike se hetimet penale janë duke vazhduar edhe më tej, dhe misioni nuk mund të komentojë lidhur me hetimet që janë duke u zhvilluar.? /Tribuna Channel