Si pasojë e të reshurave të shiut dhe shkrirjes së borës, uji ka vërshuar rrugët dhe shtëpitë e fshatit Lugishtë të Hasit.
Përveç bllokimit të rrugëve, uji ka depërtuar edhe në disa shtëpi të këtij lokaliteti dhe po ju shkakton telashe të mëdha banorëve.
Sipas rrëfimit të banorëve të Lugishtës, ata po mundohen që të largojnë ujin nga shtëpitë e tyre dhe rrugët e fshatit, por po përballen me mungesë të mjeteve përkatëse për largimin e ujit.
Kërkohet nga organet kompetente komunale të Prizrenit, që të intervenojnë në largimin e ujit nga rrugët dhe shtëpitë e këtij lokaliteti që ndodhet rrëzë Pashtrikut. /TV Prizreni
