Dy ekspertë të UNESCO-së, Vinncent Plaque dhe Jean Sonnier, n ë prill të vitit 1976, kishin arritur në qytetin e Prizrenit. Misioni i tyre ishte që për një javë të përgatisin një raport teknik në lidhje me vlerësimin dhe ruajtjen e trashigimisë kulturore të Prizrenit. Ata ishin ftuar nga Qeveria jugosllave. Në nëntor të vitit 1976, ata kanë përpiluar raportin teknik për UNESKO-në në lidhje me ekspeditën në Prizren.
Dy ekspertët në këtë dokument kanë shprehur pikëpamjen se trashigimia e Prizrenit duhet të vihet në listën e trashigimisë botërore të kësaj organizate. “Sipas përshtypjeve tona, është absulisht e nevojshme që kjo trashigimi e një orgjinaliteti të pamohueshëm dhe të çmuar në shumë aspekte të ruhet nga një institucion siç është UNESCO-ja” kanë shkruar Plaque dhe Sonnier, shkruan Koha Ditore.
Ata kanë vlerësuar se për ruajtjen dhe vlerësimin e trashigimisë kulturore në prizren nevojiten 6 milion dollarë. Sugjerimi i tyre ka qenë që rasti i Prizrenit të përfshihet në mesin e 50 projekteve të regjionalizuar , për të cilat UNESCO ka qenë duke e hartuar listën në 1976.