Gjatë ditës së sotme pritet të dalin analizat e ujit të pijes për qytetet e Shtimes dhe Malishevës.
Në këto dy vende të mërkurën kur pati vërshime ishte ndërprerë uji mirëpo një ditë më pas ishte lëshuar por vetëm për higjienë e jo edhe për pije.
Me këtë rast, koordinatorja e qendrës për monitorimin e ujit për pije në Institutin Kombëtar të Shëndetit Publik, Burbuqe Nushi Latifi ka thënë për Klan Kosova se analizat shtesë janë në përfundim e sipër dhe gjatë ditës së sotme do të dalin me rezultate.
IKSHP-ja gjatë periudhës në të cilën uji i pijshëm është i papërdorshëm në Shtime e Malishevë ka rekomanduar për banorët e kësaj ane që të sigurojnë ujin nga cisterrnat e kompanive komunale, apo të furnizohen me ujë të ambalazhuar për pije si dhe përgatitje të ushqimit.