Festivali i muzikës dhe i aktivizmit “NGOM Fest” ka rezervuar datat për edicionin e gjashtë të tij.Artistët e rrymave të ndryshme muzikore duke filluar nga ajo rock/alternative, jazz/ethno, punk, elektronike, drum and bass, hip-hop, do të performojnë në dy skenat kryesore të festivalit, që do të mbahet në qytetin e Prizrenit më datat 7, 8, 9 dhe 10 Korrik.
Skena e Marashit dhe ajo e Lumbardhit do të presin artistët, emrat e të cilëve Ngom Fest do t’i prezantojë gradualisht gjatë muajve të ardhshëm. Gjithashtu, në skenën e Lumbardhi-t do të mbahet edhe “Promo Stage” e cila mundëson promovimin e artistëve të rinj nga vendi dhe rajoni.
Njëra nga risitë e sivjetme do të jenë panelet dhe punëtorive rreth muzikës që do të sjellin një frymë të re në programin e festivalit.
Ngom Fest organizohet për pesë vite me radhë që nga viti 2011, kështu duke u bërë festivali muzikor më jetëgjatë në vend.