10.7 C
Prizren
E diel, 19 Tetor, 2025

Nait Hasani: Presidenti të mos zgjidhet nën tymin e lotsjellësit

Deputeti i Partisë Demokratike të Kosovës (PDK), Nait Hasani, në emisionin “Info -Box” të RTV Dukagjini ka theksuar se nuk dëshiron që zgjedhja e presidentit në Kuvendin e Kosovës të përcillet me gaz lotsjellës dhe pengim të mbajtjes së seancës.

Ai theksoi se Kosovës i duhet një president që paraqet unitetin e popullit, dhe se për këtë duhet që partitë parlamentarë të pajtohen për shefin e ardhshëm të shtetit.

“Ne kemi strukturat e brendshme të partisë, ne kemi pasur konventën tonë, ku Hashim Thaçin e kemi rizgjedhur si kryetar, me ç’rast është paraqitur edhe kandidatura e tij për president të vendit. Kjo kandidaturë e ka mbështetjen e PDK-së. Tani është çështje e koalicionit se a do ta mbështet ose jo Thaçin në rrugën e tij për president, ndonëse marrëveshja për krijimin e qeverisë në mes PDK-së dhe LDK-së thotë se kandidati i PDK-së do të jetë zyrtarisht kandidat për shefin e shtetit. Unë personalisht e mbështes Hashim Thaçin për pozitën e presidentit”, ka thënë Hasani.

Ai ka folur edhe për atë se kush do të mund ta zëvendësonte Thaçin në pozitën e liderit të partisë, duke theksuar se PDK-ja ka shumë njerëz të përgatitur politikisht dhe profesionalisht.

“Kandidat mund të jetë Veseli ose edhe të tjerët. Kadri Veseli është një punëtor i mirë, një familjar i mirë, një njeri i gatshëm të përballet me sfida”, ka shtuar Hasani.

Më Shumë

Në Dragash mbahet “Karvani për Promovimin e Shëndetit”

Në qendër të Dragashit u mbajt sot aktiviteti “Karvani për Promovimin e Shëndetit”, i cili kishte për qëllim ngritjen e vetëdijes për kujdesin shëndetësor...

Zgjedhjet lokale në Prizren/ Renditja e kandidatëve të LDK-së për Kuvend

Pas përfundimit të numërimit të votave nga Komisioni Qendror i Zgjedhjeve, janë publikuar rezultatet për kandidatët e Lidhjes Demokratike të Kosovës (LDK) për Kuvendin...

Lajmet e Fundit