Gjykata Themelore e Prizrenit i ka caktuar masën e paraburgimit të pandehurit me iniciale F. L. nga fshati Kraisht Komuna e Lipjanit, për shkak të dyshimit të bazuar se ka kryer veprën penale “vrasje e rëndë në ndihmë” nga neni 179 parg. 1.5 lidhur me nenin 33 të KP-së.
Ndërsa i pandehuri me iniciale Xh.H.dhe N. M. gjenden në arrati.
Gjykata Themelore në Prizren njofton se më datë 01.02.2016, Prokuroria Themelore e Prizrenit – Departamenti për Krime të Rënda i ka parashtruar kërkesë për caktimin e paraburgimit kësaj gjykate ndaj të pandehurit me iniciale F.L. për shkak të veprës penale “vrasje e rëndë në ndihmë “ nga neni 179 parg.1.5 lidhur me nenin 33 të KP-së.
Po të njëjtën ditë Gjykata Themelore e Prizrenit Departamenti për Krime të Rënda ka mbajtur seancën e paraburgimit ku të pandehurit me iniciale F. L. i është caktuar masa e paraburgimit në afat prej 30 ditësh nga data 31.01.2016 e deri me datën 01.03.2016. /PrizrenPress.com