Lumëbardhi i Prizrenit është bërë vendi më i përshtatshëm i hedhjes së mbeturinave të ndryshme. Edhe përkundër reagimit të qytetarëve në javën e kaluar, Komuna e Prizrenit nuk ka marrë asnjë masë në parandalimin e hedhjes së mbeturinave në Lumëbardh.
Therjet e bagëtisë dhe hedhja e mbeturinave të tyre në lumë, po përbëjnë kulmin e degradimit të këtij lumi,që tashmë mund të quhet i kuq.
Gjaku i bagëtive vazhdon të “ngjyros” në të kuq Lumëbardhin e Prizrenit. Fotot që janë realizuar dje në mesditë tregojnë se këtij lumi i është ndryshuar ngjyra në të kuq. /PrizrenPress.com/
