Kryeministri Rama ishte sot në Korçë për të shpërndarë kartat e anëtarësimit të qytetarëve në Partinë Socialiste. Rama tha se kjo forcë politikë është e vetmja fuqi që mund ta çojë Shqipërinë në drejtimin e duhur.
“Ne jemi e vetmja fuqi që mund ta ndryshojë dhe ta çojë Shqipërinë në drejtimin e duhur. Pa dyshim që Korça, është një nga ato zonat të Shqipërisë ku Partia Socialiste mund të dëshmojë me fuqinë e shembullit aftësinë e vet për të të projektuar një vizon dhe për të realizuar hap pas hapi ndërtimin e atij vizioni në realitetin e përditshëm të njerëzve.
Sot Korça është bërë një destinacion për shumë shqiptarë nga të gjitha anët e Shqipërisë, e jo më vetëm për festën e birrës, por për çdo fundjavë. Me mbështetjen që do i japim Bashkisë së Korçës dhe gjithë bashkive të tjera të këtij qarku, ndryshimi që do përjetoni në vitet që vijnë, do të jenë edhe më i madh se sa ndryshimi i këtyre 2.5 viteve. Brenda pak javësh fillojmë programin më të madh të ujitjes dhe kullimit, ku do të përfitojnë fermerët e këtij qarku”, tha Rama.