Partia Shqiptare Demokristiane e Kosovës (PShDK) e ka vlerësuar të rëndësishëm përfaqësimin e diasporës në zgjedhjet e ardhshme parlamentare.
PShDK-ja ka vlerësuar se Republika e Kosovës i ka për obligim për të krijuar kushte që diaspora të përfaqësohet si duhet në Kuvendin e Kosovës.
“PShDK-ja kërkon që diaspora në zgjedhjet e ardhshme të përfaqësohet në institucionet tona dhe zëri i saj të jetë në jetën e përditshme. Kosova duhet ta shfrytëzojë këtë potencial të madh që kemi nëpërmjet krijimit të kushteve dhe lehtësirave, që ata të vijnë dhe ta ndihmojnë ndërtimin e vendit dhe të investojnë pa probleme në vendin e tyre. Mërgata jonë është një potencial i madh që duhet stimuluar me të gjitha format”, thuhet në komunikatën e PShDK-së.