15.8 C
Prizren
E diel, 29 Shtator, 2024

Haradinaj: Donika nuk na lajmëroi se po largohej,mirë se shkon në Vetëvendosje

Donika Kadaj-Bujupi nuk e ka lajmëruar fare ish-partinë e saj, Aleancën për Ardhmërinë e Kosovës, kur vendosi të largohej.

Kështu ka thënë sot kryetari i AAK-së, Ramush Haradinja, në një konferencë për media, pas një mbledhje të jashtëzakonshme të partisë, njofton Klan Kosova.

Ai pohoi se për largimin e saj janë njoftuar vetëm nga letra e deputetes Kadaj-Bujupi për dorëheqje.

Haradinaj ka thënë se nëse Donika Kadaj-Bujupi vendos t’i bashkohet Lëvizjes Vetëvendosjes, nuk do ta pengonte aspak madje do të ishte veprim shumë i mirë.

Haradinaj duke folur për ngjarjet e djeshme, pohoi se protesta nuk është anuluar, por vetëm sa është shtyrë për një datë tjetër, që mund të jetë pas një jave.

Ai tha se AAK-ja vendosi të zhvillojë këtë mbledhje të jashtëzakonshme për të diskutuar rreth aktualiteti politik në vend.

Haradinaj deklaroi se është e kuptueshme se kanë dallime me partnerët e koalicionit, por kundërshtimin opozitar do ta vazhdojnë bashkë.

“AAK-ja i ka qëndrimet e vet dhe normalisht se kemi dallime, por ne mundohemi që qëndrimet tona në dakordim me partnerët e koalicionit t’i kthejmë në vendime të përbashkëta, nëse diçka e tillë është e mundur”, pohoi Haradinaj.

Më Shumë

Fitore bindëse e Bashkimit

Bashkimi ka shënuar fitoren e parë në këtë edicion të ProCredit Superligës. Prizrenasit fituan ndaj Vëllaznimit me rezultat 72:51 (18:15, 15:3, 21:7, 18:26). Çereku i parë...

Policia shqiptoi 2292 tiketa trafiku në 24 orët e fundit

Policia e Kosovës ka bërë të ditur se gjatë 24 orëve të fundit ka shqiptuar 2292 tiketa për pjesëmarrësit e trafikut për shkak të...

Lajmet e Fundit