22.7 C
Prizren
E diel, 31 Gusht, 2025

MPJ dënon dëmtimin e pllakës së Ambasadës së Kosovës në Suedi

cccMinistria e Punëve të Jashtme e Republikës së Kosovës, të shtunën pasdite është informuar nga zyrtarët e Ambasadës së Kosovës në Suedi, se dje rreth orës 16, pllaka në hyrje të selisë së Ambasadës në Stokholm është gjetur e dëmtuar. Zyrtarët e Ambasadës kanë njoftuar se sipas asaj që vihet re, duket se dëmtimi është bërë me mjete të forta, me ç’rast mbi pllakën e Ambasadës së Kosovës janë shkarravitur simbole serbe.Zyrtarët e Ambasadës menjëherë i kanë njoftuar organet policore suedeze, që përkujdesen për sigurinë e ambasadave, të cilat kanë dal në vendin e ngjarjes.

Autoritetet suedeze kanë ekzaminuar dëmtimin dhe kanë marrë një deklaratë gojore në vendin e ngjarjes nga zyrtarët e Ambasadës, duke theksuar se do të fillojnë hetimin e rastit.

Ministria e Punëve të Jashtme e Republikës së Kosovës dënon këtë akt vandalizmi kundër simboleve të Ambasadës së Kosovës në Suedi, duke shprehur përkushtimin e plotë të misioneve diplomatike dhe konsullore të Kosovës, për të qenë në shërbim të plotë të misionit të politikës së jashtme të Republikës së Kosovës, në të gjitha aspektet./PrizrenPress.com/

Më Shumë

Ndërroi jetë veterani i UÇK-së, Afrim Malsori nga Krusha e Madhe

Sot ka ndërruar jetë Afrim Malsori nga Krusha e Madhe, një veteran i shquar i Ushtrisë Çlirimtare të Kosovës. Ai dha një kontribut të...

Një i plagosur me armë zjarri në Prizren, dyshohet për tentim vrasje

Një person ka mbetur i plagosur me armë zjarri në qytetin e Prizrenit, teksa dyshohet për një tentim vrasje. Viktima është paraqitur në spital për...

Lajmet e Fundit