“Serbët e veriut të Kosovës, sikur edhe të gjithë serbët e Kosovës, kanë për obligim të dalin në zgjedhje, pasi që ky edhe detyrim që del nga Marrëveshja e Brukselit e nënshkruar në prill të këtij viti, në mes të Daçiqit dhe Thaçit”, ka thënë analisti, Dushan Janjiq.
Ai këto komente i ka bërë për FoNet, duke iu referuar siç e ka quajtur “realitetit të ri”.“Serbët duke marrë pjesë në zgjedhjet e 3 nëntorit, kanë mundësinë e vetme për të marrë pjesë në qeverisjen lokale të komunitetit të tyre. Kjo është e vetmja mënyrë për të ndërtuar një lloj autonomie dhe Bashkësie të Komunave. Mirëpo, mendoj që pjesëmarrja në zgjedhjet lokale të nëntorit do të jetë më e ulët në veri, se sa në pjesët e tjera të Kosovës”, tha Janjiq.
Janiq i ka porositur serbët e Kosovës që t’i votojnë ato subjekte politike që e kanë programin më të mirë.