Policia e Kosovës njoftoi se ka pasur zjarre në komunën e Dragashit dhe të Prizrenit, raporton PrizrenPress.
Në fshatin bellobrad të Dragashit raportohet se për shkaqe të panjohura është përfshirë nga zjarri stalla e bagëtive pronë e viktimës mashkull (goran). Bëhet e ditur se Njësiti i zjarrfikësve në vendin e ngjarjes ka lokalizuar zjarrin, duke pasur kështu vetëm dëme materiale.
Ndërsa në fshatin Dollc në Prizren, në rrethana të panjohura një zjarr ka përfshirë pronën shoqërore me rreth 3 hektar drunj.
Njësiti i zjarrfikësve për shkak të terrenit të papërshtatshëm në vendin e ngjarjes nuk ka arritur që të lokalizojë zjarrin. Raportohet vetëm për dëme materiale. /PrizrenPress.com/