Lideri i AAK-së, Ramush Haradinaj, dhe ai i Nismës për Kosovën, Fatmir Limaj, kanë nënshkruar marrëveshjen për thellimin e bashkëpunimit të ri opozitar, ndërsa kanë ftuar edhe të tjerët që t’ju bashkohen.
Marrëveshja mes AAK-së dhe Nismës parasheh që në zgjedhjet e ardhshme këto dy subjekte të ndërtojnë një koalicion parazgjedhor, por po ashtu të mbeten të hapura edhe për forcat tjera politike – me përjashtim të atyre që janë në pushtet.
“Ky bashkëpunim i avancuar me Nismën është bërë pasi e ndjejmë peshën e përgjegjësisë për ndryshime. Kjo marrëveshje është si ftesë për forcat politike”, është shprehur Haradinaj.
Limaj, ndërkaq, ka pohuar se ky koalicion jep shpresë.
“Rreth këtij boshti janë të hapura dyert për të gjitha partitë politike. Kjo është marrëveshje për thellimin e bashkëpunimit opozitar. Ky koalicion parazgjedhor jep shpresë për ndryshim të qeverisjes”, ka deklaruar Limaj.
Më poshtë, teksti i plotë i Marrëveshjes.
