Presidenti i Kosovës, Hashim Thaçi ka deklaruar se janë tejkaluar situatat e pakëndshme që kanë ndodhur më herët në mes pozitës dhe opozitës dhe tani më po ndodhin takime në nivele të ndryshme, ku po diskutohen çështje të rëndësishme për vendin.
“Sa i përket pozitës dhe opozitës vlerësoj lartë situatën aktuale, një normalitet i jetës demokratike. Inkurajoj takime sikur ditët e mëhershme të gjithë lidershipit për të diskutuar çështje të rëndësishme për vendin. Këto takime tanimë po ndodhin në nivele të ndryshme dhe zyra e presidentit do të ndikojë normalisht”, tha Thaçi.