Ish presidenti i Barcelonës, Joan Gaspart ka thënë se Real Madrid po i bën dëm futbollit dhe duhet të dënohet.
Ditëve të fundit në mediat spanjolle është shkruar se Real Madrid u ka ofruar premi lojtarëve të Granadas që të ndalin Barcelonën në ndeshjen e fundit në La Ligas, në mënyrë që të kenë mundësi për të fituar titullin këtë edicion.
“E vetmja gjë që din të bëjë Real Madrid është të dëmtojë futbollin. Nëse do të isha lojtarë i Granadas do të ndihesha i ofenduar, sepse i bie që ata mund të blihen”, tha Gaspart për gazetën spanjolle Ara.
“Unë besoj në futboll dhe ndershmëri. Nëse diçka e tillë vërtetohet, atëherë klubet e përfshira duhet të dënohen”.
Kujtojmë se një javë pa përfunduar kampionati, Barcelona kryeson me një pikë më shumë se sa Real Madrid.