Dy persona kanë humbur jetën dhe dy të tjerë janë lënduar në një aksident trafiku që ndodhi mbrëmë në rrugën magjistrale Prishtinë-Ferizaj, në fshatin Banullë.
Baki Kelani, Zëdhënës i Policisë së Kosovës, tha se viktimat janë shtetas kosovarë dhe të njëjtit ishin duke qarkulluar me një automjet, raporton RTK. Policia e Kosovës u bën apel të gjithë pjesëmarrësve në komunikacion që të respektojnë rregullat e trafikut në mënyrë që të parandalohen aksidentet.