2.8 C
Prizren
E hënë, 30 Janar, 2023

“Jetë me qira” premierë në “Verën e Ohrit”

RefetAbazi-aktorNë Qendrën për kulturë “Grigor Përliçev” në Ohër t5 mërkurën në mbrëmje (sonte) do të shfaqet shfaqja “Jetë me qira” e Teatrit Shqiptar nga Shkupi. Autor është aktori Refeta Abazi, ndërsa regjisor italiani Lluka Kortina. Kjo do të jetë premiera e pestë në pjesën dramatike të programit të sivjetmë të festivalit “Vera e Ohrit”.

“Jetë me qira” është satirë surrealiste, rrëfim për regjisorin e ri Din dhe fillimet e tij në krijimin e një bote të re, botë në teatër dhe një jetë të bukur teatrore. Por nuk shkon gjithçka aq lehtë, ai ballafaqohet me padëgjueshmëri të aktorëve dhe administratës, të cilët teatri i shikon si mënyrë për arritje të qëllimeve tjera…

Për veprimin në realizimin e tij më të ri, autori Abazi shpjegoi se gjithçka ndodh brenda në teatër, në relacionet midis ekipit të aktorëve, administratës, në institucion dhe të gjithë përpjekjet e saj…

“Ky është një tentim i imi të jap kontribut drejt një shikimi më ndryshe të gjërave. Teatri asnjëherë nuk ofron zgjidhje, por hap pikëpamje, ofron mundësi për interpretim individual të gjërave. U përpoqa të përpunojë temë në të cilën njerëzit real kanë hequr dorë nga jeta e vërtetë në llogari të personazheve fiktive gjegjësisht rolet të cilat i interpretojnë, dhe pastaj protestojnë dhe nuk lejojnë konformizëm”, deklaroi Abazi, transmeton MIA.

Regjisori Kortina theksoi se si njeri dhe artist është shumë i kënaqur që ka mundësi të prezantohet me shfaqje të tij në një manifestim kaq të madh siç është “Vera e Ohrit”.

“Sa i përket procesit të krijimit të kësaj shfaqjeje tejet jam i kënaqur nga kodi i vendosur i mirëkuptimit të teatrit dhe ky hulumtim, hetim për shprehjesn e vërtetë skenike që e punuam me gjithë ekipin. Qëllimi ishte që ë ndërtojmë shfaqje në të cilën krijohet me të gjitha elementete e shprehjes teatrore nga teksi, muzika, loja…Teksti ishte i pasuruar me vetë atë që flet pikërisht për atë që ne e bëjmë në këtë proces të vendosjes së vetë shfaqjes”, tha Kortina.

Aktori Besfort Idrizi, i cili e interpreton rolin kryesor (regjisori Din), tha se problematika e marrëdhënieve në teatër në përmasa më të gjëra mund të njihet në relacionet që janë prezente pothuajse në të gjitha shtëpitë teatrore.

“Personazhin që e interpretoj bart ide revolucionare për teatrin, por për fat të keq të tij që nga dita e parë në punë ballafaqohet me pengesa dhe realitet të hidhur, aburdin që nga i gjithë ky kuadër artistik i vetmi i cili ka sens për risi në teatër dhe art ka pikërisht bufexhia në shtëpinë teatrore. Me ndihmën e tij ai arrin disi të ballafaqohet me situatën, të ndërtojë marrëdhënie profesionale në shtëpi”, theksoi Idrizi.

Muzikën dhe matricën e zërit për shfaqjen e përpunoi “Folltin”, dhe është punuar pak më ndryshe nga ajo deri më tani e parë. Del nga vetë skena, fotografi të zëshme të aranzhuara që t’i ndjekin të gjitha ndryshimet që ndodhin në të.

Duke e paralajmëruar premierën e re, të pesë në edicionin e 53-të të “Verës së Ohrit”, seleksionuesi i pjesës dramatike të programit Gjorgji Jolevski, theksoi se është aheng kur ndodh premierë tatrale.

“Po krijohet diçka e re, tekst i ri që mëtej do të ketë jetën e saj në skenë”, shtoi seleksionuesi Jolevski. Fillimi i shfaqjes është në orën 21 dhe do të sigurohet përkthim në gjuhën maqedonase.

Më Shumë

Interi transferon 18-vjeçarin që kërkohej dhe nga Reali

Interi transferon 18-vjeçarin që kërkohej dhe nga Reali! Interi po shqyrton të gjitha mundësitë e merkatos përmes të cilave synon të sigurojë të ardhmen e...

I vjedhin tre kompjuterë – policia arreston katër të dyshuar në Malishevë

Një vjedhje e rëndë ka ndodhur dje në Malishevë. Ankuesja femër kosovare ka raportuar se i janë vjedhur tre kompjuter me pajisje përcjellëse. Lidhur me rastin...

Lajmet e Fundit