Kryeministri i vendit, Isa Mustafa, udhëton sot në Paris, për të marrë pjesë, të hënën, në Samitin e tretë të liderëve të Ballkanit Perëndimor dhe BE-së, i cili zhvillohet në kuadër të iniciativës Berlinit.
Këtë e ka bërë të ditur për TribunaChannel, Sokol Havolli, këshilltar i kryeministrit Mustafa.
Kryeministri Mustafa do të jetë përkrah presidentëve dhe kryeministrave të Shqipërisë, Kosovës, Serbisë, Maqedonisë, Bosnjë-Hercegovinës dhe Malit të Zi. Në Paris nuk do të marrë pjesë presidenti i vendit, Hashim Thaçi, bënë të ditur këshilltari i tij, Ardian Arifaj.
Në Paris do të jenë edhe kryetar të shteteve dhe qeverive të vendit pritës, Francës, e ndjekur nga Gjermania, Italia, Austria, dhe zyrtarë të lartë të Bashkimit Evropian.