Edhe pse për shumicën e femrave është e paimagjinueshme që nga shtëpia të dalin pa sutjena, disa yje të Hollivudit sikur nuk e posedojnë fare këtë pjesë të rrobave në gardërobën e tyre. Ylli i muzikës nga Barbadosi, Rihanna, bën pjesë në grupin e yjeve të Hollivudit që nuk e pëlqejnë të mbulojnë gjinjtë e tyre dhe me dëshirë i shpërndanë fotot gjysmë e zhveshur me fansat e saj në rrjetet sociale.
As manekinia e famshme Heidi Klum nuk është adhuruese e sutjenave, ndërsa në qilimin e kuq rregullisht pozon në fustane me dekolte të thellë, nën të cilët ajo nuk vesh fare sutjena.
“Kur veshi sutjena, ndihem sikur e robëruar. Nuk më pëlqen ndjenja e gjinjve të mbërthyer me lecka. Dua të jem e lirë”, ka deklaruar bukuroshja.
Asgjë nuk është më e tepërt në gardërobën e zeshkanes atraktive Kim Kardashian, sesa sutjenat. Prandaj, Kim e shfrytëzon secilin rast që mos t’i vesh ato. Mund të numërohen në gishta fotot në të cilat mund ta shihni këtë bukuroshe që ka të vëna sutjenat.
Superylli i muzikës Selena Gomez gjithnjë e më shpesh gjatë defilimit në qilimin e kuq, mund ta shohim në kreacione të guximshme, duke veshur fustane me dekolte të thella, të cilat po bëhen shenjat e saj mbrojtëse.
“Kur veshi fustane me dekolte të thellë, ndjehem super-seksi, pasi nuk kam nevojë të veshi fare sutjena. Jam me fat që nuk kam gjinj aq të mëdhenj, sepse përndryshe do të isha e detyruar të vishja”, ka deklaruar Selena.
Manekinia e bukur australiane, Miranda Kerr, qysh moti është kyçur në listën e yjeve që nuk bartin sutjena. Nuk janë vetëm fustanet kur ajo nuk shihet të ketë veshur gjimbajtëse, por edhe kur realizon seanca fotografish, ajo shpesh pozon me pjesën e sipërme plotësisht të zhveshur.
Edhe modelja Kylie Jenner, sikurse motra e saj e madhe Kim Kardashian, në dollapin e gardërobës së saj, nuk ka fare vend për sutjena.