Debati televiziv i organizuar në transmetuesin publik të Kosovës, ku pjesë e panelit ishin ftuar zëvendësministri i Pushtetit Lokal, Bajram Gecaj, kryetari i Komunës së Pejës, Gazmend Muhaxheri, dhe juristi Xhevdet Shala e gjeografi Tomor Çela, ka nxitur reagimin e deputetit të Vetëvendosjes, Mytaher Haskuka.
Haskuka, përveç që theksoi se të ftuarit në emisionin televiziv “ishin që të gjithë pro Demarkacionit”, nuk nguroi ta krahasoi atë me një regjim diktatorial.
“RTK-ja paska thirrë 4 debatues, të gjithë PRO Demarkacionit. Çfarë pluralizmi? Kjo ndodh veç në Korenë e Veriut. Përndryshe nuk dëgjova asnjë argument valid pos fjalëve të thata” (sic.), deklaroi Haskuka.