Pas kthimit në Kosovë, si fituese e medaljes së artë, Majlinda Kelmendi në një konferencë për shtyp tregoi për rrugën drejt Rio-s dhe fitoren që korri atje.
Punën dhe këtë rrugëtim Majlinda e cilësoi si të vështirë dhe me pengesa.
“Kemi punuar shumë bashkërisht për të arritur këtë sukses që ndoshta shumë shtete ende e kanë ëndërr. Realisht rruga ka qenë shumë e vështirë, dhe ka pasur shumë pengesa që shpresoj brezat e ardhshëm të mos përballen me to”
Ndërsa sa i përket vështërsive më të mëdha, ajo tregoi për lëndimet që kishte pësuar në vitin 2015.
“Për mua periudha më e vështirë ka qenë në vitin 2015, kur edhe pësova lëndimin në gju e pastaj në shpinë, që më ka shtyrë të mendoj që nuk do të kthehem në top formë.”
“Kjo periudhë ka qenë e vështirë për mua si fizikisht ashtu edhe mentalisht”
“Mirëpo, jam kthyer më e mirë se që kam qenë. Jam kthyer fituese e medaljes së artë”
E për finalen në Rio Maljinda ishte e sigurt në fitore.
“Ne Rio, gjithsej kam pasur katër lufta, e më të vështirën do ta cilësoja kundër japonezes, Misato Nakamura. E kam cekë edhe më herët që ajo ka qenë idol për mua, e lufta me të dhe fitorja ka qenë një emocion i papërshkrueshëm”
“Sa i përket luftës finale kam pritë që do të fitoj. Në lojëra finale zakonisht jam shumë më e motivuar dhe e fokusuar dhe e di që nuk mund të më mposht askush”
Për fund Majlinda këtë fitore ia dedikoi popullit të Kosovës.
“Gjithë kjo është bërë për shtetin e Kosovës, për shtetin tim, për popullin tim e më së shumti për brezat e ardhshëm që do të vijnë”