Jose Mourinho u jep një “shuplakë” kritikëve që bënë përgjegjës portugezin për tri humbjet radhazi brenda një jave të Manchester United, me City-n në derbi me Fejnoordin në Europa League dhe me Watfordit në javën e 5-të të Premier Leagues.
Pas fitores 3-1 me Northampton në Kupën e Ligës, Special One, me stilin e tij unik, ironizoi ata që e kanë sulmuar në këtë fillim sezoni, duke i quajtur “Einstein” të futbollit.
“E di që bota është plot me “Einstein”. Këta “Einstein” provuan të fshinin 16 vjet të karrierës sime dhe të eliminonin historinë e pabesueshme të klubit për tre rezultate negative. Por, kjo është e reja e futbollit që është mbushur me “Einstein”.”
Mourinho më pak i siguroi tifozët e “Djajve të Kuq” se rezultatet nuk do të mungojnë, ndaj ata duhet të jenë si gjithmonë në krah të skuadrës.
“Unë e kuptoj shumë mirë që fansat janë të zhgënjyer me rezultatet e javës së kaluar. Por, unë jam i sigurtë se në ndeshjen e shtëpisë me Leicesterit ata do të jenë aty për ta na mbështetur sic kanë bërë gjithmonë.”