Pas një pune intensive te hetuesve të Stacionit Policor në Prizren me 10.11.2016 rreth orës 10:00 është arritur të identifikohet i dyshuari K. A , i cili dyshohet se ka kryer veprën penale Grabitje me 27.01.2016 në Rrugën “Qazim Berisha” në Prizren (në oborrin e Qendrës Sportive), njofton Zyra për Informim Publik e Policisë në Prizren.
“Hetuesit në lidhje me ketë rast kanë arritur t’i gjejnë dhe sekuestrojnë sendet që i dyshuari i ka përfituar në mënyrë të kundër ligjshme. Sendet që dyshohet se janë vjedhur i janë sekuestruar të dyshuarit dhe i janë kthyer palës se dëmtuar”, njofton Zyra për Informim Publik e Policisë në Prizren.
Në konsultim me Prokurorin e Shtetit i dyshuari mbahet në Qendrën e ndalimit në Stacionin Policor në Prizren për 48 orë.
Rasti në fjalë është nën hetime. /PrizrenPress.com/