Nesër në qytetin e Prizrenit, do të organizohet ‘Marsh protestues’ në kërkim të drejtësisë për vdekjen e aktivistit Astrit Dehari.
Marshi fillon në ora 12:00 nga Sheshi “Shatërvan’’ dhe vazhdon deri te hyrja e burgut me ç’rast do të ndizen qirinj.
Astriti vdiq më 5 nëntor në Qendrën e Paraburgimit në Prizren, në rrethana të dyshimta dhe të pasqaruara. Ende askush nuk ka dhënë përgjegjësi për vdekjen e tij.
Gjithashtu, muaji nëntor është muaji i fushatës kundër dhunës në familje dhe shoqatat e grave dhe të gjitha ata që merren me të drejtat e njeriut nëpërmjet këtij marshi do ta ngrejmë zërin kundër kësaj dukurie.
Marshi protestues organizohet me iniciativën e OJQ-së “Femra Vizionare e Shekullit XXI” e mbështetur nga shoqëria civile e Prizrenit dhe aktivistet gra të partive politike të Prizrenit./PrizrenPress.com/