Rreth 20 të burgosur kanë hyrë në grevë në burgun e Prizrenit. Ata janë të pakënaqur me suspendimin e u.d. drejtorit dhe tre oficerëve korrektues.
Koordinatori i KMDLNJ-së në Prizren, Bashkim Kajdomçaj tha se të burgosurit kanë hyrë në grevë në ora 18: 25 minuta.
“Greva ka nisur me 23.11.2016 duke refuzuar shujtat e mëngjesit, drekës dhe darkës”, tha Kajdomçaj, shkruan PrizrenPress.
“Po ashtu, të përfshirët në grevë nuk kanë dal në shtije të zakonshme gjatë ditës së mërkurë. Ndërsa, të trajtuarit me terapi, e kanë refuzuar atë”.
“Arsyet e grevës janë pakënaqësia lidhur me suspendimin e u.d. drejtorit dhe tre oficerëve korrektues”.
“Nuk ka shifër të saktë të grevistëve pos asaj që në krahun C, janë 21 vetë që kanë hyrë në grevë. Ndërsa, burime tjera të pakonfirmuara pohojnë se numri mund të rritet, pasi që grevë si janë bashkuar edhe të burgosur të tjerë nga krahët ‘A’ dhe ‘B’.”.
“Sipas të paraburgosurit S.B. që është në krahun C, janë 21 vetë që kanë hyrë në grevë urie”.
“Qëllimi i hyrjes në grevë është shprehja e pakënaqësisë për padrejtësitë totale ndaj menaxhmentit të Qendrës së Paraburgimit, shkaku i marrjes së masave ndaj u.d. drejtorit dhe tre oficerëve të tjerë për rastin e Astrit Deharit, nga Ministria e Drejtësisë. Jemi në përkrahje të të suspenduarve nga MD-ja dhe nuk do ta ndërpremë grevën’, citon Kajdomcaj, të burgosurin S.B. duke folur në emër të grevistëve./PrizrenPress.com/