Nisma në Prizren ka dënuar sulmin që ka ndodhur sot në Konsullatën e Turqisë në Prizren.
“Sulmi ndaj Konsullatave të Shteteve më të cilat Kosova më mund të madh po ndërton marrdhënje ndërshtetërore dhe aq më shumë sulmi ndaj shteteve mike që kontribuon, aq shumë për Kosovën, është më se i papranueshëm dhe si të tillë Nisma në Prizren i dënon ashpër”, thuhet në reagimin e Nismës.
“Ne duhet të jemi në përpjekje të vazhdueshme që në vendin tonë të sundojë rendi dhe ligji, të instalohet funksionimi i një shteti juridik, e jo të kemi akte të tilla dhune”.
“Republika e Kosovës mund të dëmtohet rëndë nga kjo që ndodhi sot, duke sulmuar Konsullatën e një shteti mik, shtet ky i cili ka dhënë dhe po vazhdon të jap në vazhdimësi një kontribut të madh në kontekst të zhvillimit ekonomik dhe të funksionalizimit të shtetësisë së Kosovës”./PrizrenPress.com/