Kuvendi i të rinjve të Prizrenit, u themelua të hënën, me ç’rast u organizuan edhe zgjedhjet për strukturën udhëheqëse të këtij organizmi kulturor.
Kryesuesi i Këshillit nismëtar për themelimin e Kuvendit të të rinjve Leonor Berisha tha se rinia është e ardhmja e një vendi.
“Ne jemi e sotmja dhe e ardhmja e vendit tonë. Duke i shërbyer rinisë ne do të punojmë për të ardhmen tonë” tha Berisha.
Kryesuesi i Kuvendit Komunal Kujtim Gashi, duke i përshëndetur të rinjtë e pranishëm uroi që të zgjidhet një strukur e qëndrueshme.
“Në Komunën e Prizrenit ekzistojnë disa organizata rinore dhe disa mekanizma rinor që funksionojnë. Sigurisht se Kuvendi i të rinjve do të jetë begati shtesë për sektorin e rinisë në Komunën e Prizrenit krahas organziamve rinore që ekzistojnë siq janë KVRL, Qendra rinore dhe disa organizata të tjera, me të cilat Kuvendit Komunal ka bëshklëpunim të vazhdueshëm”,transmeton newskosova.
Kryesuesi Gashi në vazhdim i njoftoi të rinjtë e Kuvendit të të rinjve se Prizreni është ndër komunat e para që ka hartuar planin e veprimit për rini dhe politikat rinore, të cilat kanë kaluar në Kuvendin e Komuëns dhe janë miratuar.
“Jemi nga komunat e vetme në Republikën e Kosovës që nëpërmjet Kuvendit Komunal kemi ndarë buxhet të veçantë për funksionimin e këtyre mekanizmave rinor.
Në mesin e dy të rinjve që shpallën kandidaturën për ta udhëhequr Kuvendin e të rinjve: Ram Bobajt dhe Leonor Berishës, kryetar i Kuvendit të të rinjve të Prizrenit u zgjodh Leonor Berisha, ndërsa, kryesia do të zgjidhet në seancën e parë, të Kuvendit të të rinjve të Prizrenit