Kryetari i Prizrenit, Ramadan Muja, ka marrë pjesë në protestën e AAK-së, për lirimin e Ramush Haradinajt.
Muja për herë të parë ka marrë pjesë në protestë.
Në protestë ka marrë pjesë edhe kryetari i Malishevës, si dhe deputetë të Parlamentit të Kosovës.
Deputeti Zafir Berisha tha se qytetarët duhet të mrjnë atë që është arritur me luftë.
“Për orë të tëra dje në Parlament u munduam që ti bindim të gjithë se mbi të gjitha është Kosova dhe UÇK-ja por ja që për fatin e keq të vendit dhe qytetarëve të Kosovës ka të tillë që më të rëndësishëm e konsiderojnë dialogun me Serbinë se vetë Kosovën të cilën pretendojnë se e përfaqësojnë. Ne qytetarët e Kosovës jemi të vendosur që ajo që është arritur me luftë dhe sakrificë të mbrohet me çdo kusht. Në asnjë mënyrë nuk jemi kundër miqve ndërkombëtarë në këtë rast edhe Francës, mirëpo jemi për ta mbrojtur ADN e këtij vendi dhe ADN-ja e këtij vendi është UÇK-ja, e cila përfundimisht i dha fund regjimit serbosllav në Ballkan” tha Zafir Berisha.
Edhe kryetari i Degës së AAK-së në Prizren Lulzim Kabashi tha se kjo ndalesë tregoi edhe një herë për brishtësinë e institucioneve tona tregoi paaftësinë dhe inferioritetin e institucioneve tona ndaj situatave jashtëzakonisht serioze siç është kjo.
“Nëse qasja e Institucioneve është kjo që është për një figurë emblematike të Kosovës, çfarë do të jetë për një qytetarë të zakonshëm, tha Kabashi/PrizrenPress.com/