Një polic ka marrë lëndime trupore dhe dy të tjerë janë penguar gjatë punës nga pesë të dyshuar: tre meshkuj dhe dy femra, në fshatin “Krushicë e Poshtme” në Suharekë, pasi shkuan për t’i lënë ftesa për intervistë tre të dyshuarve nga e njëjta familje.
Me përdorimin e mjeteve të forta, janë shkaktuar dëme materiale edhe në automjetin e policisë, duke i thyer dy xhama, njofton Klan Kosova.
Në ndihmë janë dërguar patrulla shtesë të cilat e kanë vënë situatën në kontroll. Është bastisur edhe shtëpia e të dyshuarve por nuk është gjetur asgjë e kundërligjshme.
Me vendim të prokurorit të shtetit, dy meshkuj dhe dy femra janë ndalur nën masën e arrestit policor, ndërkaq dy të tjerë ndodhën në arrati.