Samir Nasri ka kritikuar sulmuesin anglez Jammie Vardy.
Sevilla është eliminuar nga Leicester City pas humbjes 0:2 në ndeshjen e kthimit të 1/8 së finales.Ekipi spanjoll mbeti me 10 futbollistë në minutat e fundit të takimit pasi që Samir Nasri ishte përjashtuar nga loja pas një zënke me lojtarin kundërshtar Jammie Vardy.
Vetë francezi mendon se Vardy ka aktruar në momentin kur është rrëzuar dhe ai pretendon që nuk e ka prekur fare reprezentuesin e Anglisë.
“Nuk e kam prekur fare, madje nuk e kam lëvizur kokën. Ai ra për tokë dhe më pas gjyqtari na ndëshkoi të dyve me kartonë të verdhë”, ka shpjeguar Nasri.“Për mua ai është një mashtrues. Po të ishte një lojtar i huaj, ju mediat angleze do ta quanit mashtrues sikurse unë”.
“Ata ishin duke fituar 2:0 dhe Vardy duhej të sillej si i takon një burri. Ata nuk janë më të mirë se ne, por fituan dhe u kualifikuan, fundja kjo është vetëm një lojë”, ka përfunduar Nasri.