David De Gea është i gatshëm të largohet nga Manchester United në fund të këtij sezoni.
Mediat britanike shkruajnë se ‘gardiani’ spanjoll është duke u përgatitur të largohet nga ‘Old Traffordi për t’u transferuar tek Real Madridi, transmeton KosovaPress.Klubi madrilen prej kohësh është duke e kërkuar De Gean, dhe duket se ky transferim do të ndodh këtë verë.
Siç raportohet spanjolli dhe agjenti i tij, Jorge Mendes janë duke bërë presion mbi krerët e Unitedit dhe Jose Mourinhon që të lirojnë atë që të transferohet tek gjiganti spanjoll.Në fund të këtij sezoni, është koha ideale që De Gea të kthehet në vendlindjen e tij.Ai është i vendosur që të mos e zgjasë kontratën me ‘Djajtë e Kuq’ dhe të bashkohet me klubin ‘mbretëror’.