Komandanti i Stacionit të Policisë në Dragash, Shaqir Uka, është suspenduar nga detyra ndërsa zëvendëskomandanti i po këtij stacioni të policisë, Elami Seferi është arrestuar mbrëmë nga Inspektoriati Policor i Kosovës.
Sipas burimeve të Gazetës Blic, Uka në koordinim me Seferin kanë penguar arrestimin e një personi të kërkuar, i cili ishte i dënuar për aksidentimin e një zyrtari policor me veturë.
“Arsya e suspendimit nga pozita e Drejtorit të PK-së Shaqir Uka dhe arrestimit të zëvendëskomandantit Elami Seferi, është se ata e kanë ndaluar policinë e stacionit që ta arrestojnë një të kërkuar që ka qenë i dënuar nga gjykata. Ky i kërkuari e ka shkelur me veturë më herët edhe një polic si dhe është kapur me narkotikë”, thonë këto burime brenda PK-së.