Pesë persona të arrestuar, shumë dokumente identifikimi, në mesin e tyre edhe pasaporta të Kosovës dhe aparatura për falsifikim dhe plastifikim të dokumenteve, janë rezultat i një operacioni të koduar me emrin “Dubrava”, që ka kryer Policia e Kosovës në rajonin e Prizrenit. Po ashtu, sipas policisë, personat e arrestuar kanë bërë dhe falsifikim të vulave. Dyshohet se të arrestuarit kanë mashtruar 26 viktima.
E gjithë kjo, nga Policia, konsiderohet si krim i organizuar dhe kontrabandim me emigrant.
Sipas hetimeve të Policisë së Kosovës, viktimat kanë paguar nga 1500 deri në 4 mijë euro, për të dalë jashtë vendit. Hetimet për këtë rast, kanë filluar në tetorin e vitit të kaluar./PrizrenPress.com/