Kandidati i Partisë Demokratike të Kosovës për deputet nga Rahoveci, Andin Hoti, ka thënë se bujqësia mund të ndikojë në përmirësimin e bilancit tregtar të vendit.
Në një postim në rrjetin social facebook, Hoti ka thënë se Rahoveci, me të drejtë, është quajtur kryeqyteti i bujqësisë së Kosovës dhe se karakteristikë e qytetit të Rahovecit është dashuria për punën.
“Ky kryeqytet, e merr epitetin nga puna, angazhimi dhe përkushtimi tradicional për punë i rahovecasve. Të gjithë e dimë se i madh e i vogël, ka dashuri për punën. Madje, toka djerrinë, shihet si turp në këto anë. Puna, puna është letërnjoftimi origjinal i Rahovecit. Puna është kod i atdhetarizmit”, ka shkruar Hoti.
Më tëj, ai thotë se rahovecianëve puna u ka dhënë motiv shtesë dhe fuqi për përkushtim ndaj atdheut dhe sakrificë.
“Sakrifica është ekzistencë në formë tjetër, në dimensionin madhështor, për vendin, për kombin, për dinjitetin njerëzor. Këtë e kanë bërë dhjetëra e qindra rahovecjan me të cilët jam unë, krenar, është familja ime krenare, ashtu siç paraardhësit e mi ishin krenar. Tu shtoftë e mira, vendlindja ime”, thekson më tej kandiati i PDK’së për deputet.
Hoti ka shtuar se bujqësia tradicionalisht i ka shërbyer njerëzve të këtij vendi për të mbijetuar dhe se Fillimi i Ri synon ta nxisë evoluimin e kësaj veprimtarie në një koncept biznesi.