Shtabi zgjedhor i PDK-së në Prizren, thotë se një aktivist i Lidhjes Demokratike të Kosovës, është kapur në flagrancë, duke e inqizuar votën e tij. Sipas këtij subjekti politik, ky akt ka ndodhur para pak minutash në Qendrën e Votimit 2042/A , në shkollën e mesme Teknike në Prizren.
“Ky akt i shëmtuar ka ngjarë sot kur një aktivist i Lidhjes Demokratike të Kosovës është kapur në flagrancë, duke e inqizuar votën e tij, me qëllim të konfirmimit të votës tek ata të cilët dyshohet së në kundërvlerë i kanë ofruar mjete financiare”, thuhet në reagimin e PDK-së në Pfrizren.
“Në lidhje me këtë rast janë njoftuar autoritetet Policore si dhe Prokurori kujdestar, meçërast i dyshuari është arrestuar nga ana e njësiteve policore të Kosovës, dhe po mbahet në mbajtje”.
“Partia Demokratike e Kosovës, dega në Prizren ju bënë thirrje të gjitha subjekteve politike në komunën e Prizrenit, që t’i përmbahen rregullave zgjedhore, duke mos e cënuar në asnjë moment vullnetin e lirë të qytetarëve të Komunës së Prizrenit, me qëllim që të mos u mohohet e drejta për të votuar konform bindjeve të tyre”.
“Partia Demokratike e Kosovës, dega në Prizren mbështet fuqishëm institucionet e rendit, dhe të drejtësisë që të ndërmarrin të gjitha veprimet e duhura sipas legjistacionit në fuqi, për të gjithë ata të cilët pretendojnë që ta devalvojnë vullnetin e qytetarëve të vendit”./PrizrenPress.com/