Policia ka bërë të ditur se është arrestuar një person në Prizren, pasi që i njëjti me datën 31 maj të këtij vitit, dyshohet se ka mashtruar viktimën mashkull, duke i marrë një aparat fotografik në vlerë rreth 1000 euro dhe nuk e ka kthyer.
Sipas policisë, rasti i mashtrimit ka ndodhur në rrugën “Edit Durham” të këtij qyteti, shkruan PrizrenPress.
Pas verifikimit dhe hetimit është konstatuar se i dyshuari ka kryer edhe pesë vepra tjera të mashtrimit.
Njësitet policore kanë konfiskuar sende të ndryshme elektronike që dyshohet se janë përfituar nga veprat e cekura.
Me vendim të prokurorit, i dyshuari pas intervistimit është dërguar në mbajtje. /PrizrenPress.com/