Anëtari i Kryesisë dhe kryetari i Degës së AAK-së në Prishtinë, Avni Arifi, ka publikuar ofertën e AAK-së për Vetëvendosjen, në përpjekjet për krijimin e marrëveshjes parazgjedhore në mes bllokut opozitar, AAK-VV-NISMA, e ku do të përfshihej edhe shoqëria civile.
Arifi ka treguar se AAK kurrë nuk ka insistuar që ta kenë postin e kryeministrit në listën e përbashkët me Vetëvendosjen. Ai ka theksuar se në VV kanë dashur të AAK të shkrihet në atë lëvizje.
“Kjo është oferta e AAK për VV e të cilën VV e refuzoi vitin e kaluar. Ne kurrë nuk insistuam për postin e Kryeministrit por as kjo atyre nuk ju mjaftoj. Ata donin FER të ri!!! Është në kundërshtim me të gjitha ligjet e natyrës që AAK të shkrihet në parti si VV . Ishte verbëri politike të pritej diçka e tillë nga lidershipi i VV”, ka shkruar Arifi.
