Kryetari i Partisë Demokratike të Kosovës, Kadri Veseli, i cili doli si politikani i dytë më i votuar në vend në zgjedhjet e 11 qershorit, ka marrë dukshëm më pak vota se ish-kryetari i PDK-së, Hashim Thaci.
Veseli në këto zgjedhje ka marrë gjithsej 129 mijë vota, edhe pse partia e tij ka qenë në koalicion me dy parti të tjera të mëdha – AAK e NISMA, dhe një numër partish të tjera të vogla.
Paraardhësi i tij në PDK, presidenti aktual i Kosovës, Thaci, në zgjedhjet e fundit parlamentare të mbajtura më 2014 kishte mbledhur 166 mijë vota.
Thaci në fakt deri në këto zgjedhje ka qenë politikani më i votuar në Kosovë. Aktualisht, këtë epitet e mban lideri i Vetëvendosjes, Albin Kurti.