Partia Demokratike e Kosovës prin për nga numri i kandidatëve të nominuar për kryetarë komunash, të cilët kanë të hapura procese gjyqësore ose janë nën hetime për vepra korruptive.
Pavarësisht thirrjeve nga faktori ndërkombëtar, sidomos ai amerikan, që individë të tillë të mos jenë pjesë e procesit zgjedhor, partitë e kanë vendosur të kundërtën, shrkuan Tribuna.
Disa javë para nisjes së procesit të regjistrimit të partive dhe nominimit të kandidatëve për kryetarë, ambasadorja amerikane në Kosovë, Tracey Jacobson ishte kujdesur që t’ua bënte me dije partive se ato duhet të kenë kujdes kur vendosin kandidatë që janë nën hetime apo akuzohen për korrupsion. Këtë porosi ajo e kishte dhënë gjatë një interviste në gazetën Tribuna…
Në mesin e kandidatëve që është kandiduar për kryetar dhe që nga organet e drejtësisë dyshohet për keqpërdorim të detyrës zyrtare është edhe Ramadan Muja.